مش هطول عليكوا وأقولكوا الوصفة علطول بس احب اقول حاجة إنها فعالة جدااااااا
وكمان تنفع لى منطقة فى الجسم بما فيها الاماكن الحساسة " و هو المطلوب اثباته " #
وجابت نتايج مع ناس بعد 3 ايام كمان واتصلوا بيا دعولى
عقبال ما اسمع دعواتكم انتوا كمان :: .. يلا نبتدي بسم الله

==============
مكونات الخلطـة والطريقة
==============

صابونة الغار + صابونة البابايا 4*1 كمان


تبشريهم و تنقعيهم فى مية ورد من بالليل لحد الصبح


هتلاقى الصابون داب ف مية الورد بعد كدة هتضيفى عليهم المكونات دي كلها


موجودين فى المول



50 جرام كركم الجسم



50 جرام من كل حاجة ( زيت زيتون - زيت لوز - زيت خروع - جلسرين )



موجودين عند العطار


معلقتين نشا


موجودة ف السوبر ماركت



علبة كريم جليسوليد متوسطة الحجم




علبة فيكس


ودول موجودين فى الصيدليه

و تخلطيهم تضربيهم فى الخلاط وتعبيهم فى برطمان إزاز و يكون جاهز للإستخدام


=================
نيجي بقى لطريقة الاستخدام
=================

تاخدي دوش عادي جدا
و بعدين تدهنى جسمك بالخلطة مع التدليك كانك بتحطى كريم
تستنى لحد ما تتشرب كويس
تجيبي الليفة المغربي وترشي عليها ملح يوكو ( فيه منه انواع كتيرة ) و تفركى جسمك بيه




تشطفى جسمك كويس وتنشفيه و بعدين تستخدمي لوشن او اى مرطب

طب بالمرة اقولك على مرطب و تفتيح سهل و رخيص
ماء ورد ( تنقعى فيه رز مطحون وتصفيه وتاخدي المية بس )
+ جليسرين + زيت لوز + فنجان عصير ليمون وتحطيهم ف بخاخ يكون جاهز للاستخدام بعد الخلطة